Gestalt Terapia

Garapen pertsonala, autoezagutza eta oraina modu sortzaileagoan bizitzeko gaitasuna dira terapia mota honen ardatz nagusiak, gure bizitzaren ardura hartuz.

Terapeutak lagundu egiten dio pazienteari bere jokabide-, pentsamendu- eta emozio-ereduez jabetzen eta haietaz arduratzen. Pertsonak ingurunearekin duen harremanaz jabetzen ikasten du, bere kontzientzia-maila handitzen doa eta horrek jarduteko modu osasuntsuagoak aurkitzen laguntzen dio eta bizitzari aurre egiteko modua aukeratzeko gaitasuna itzultzen dio.

Amaitu gabeko egoeren tratamendua terapia mota horren beste zutabeetako bat da. Iraganeko egoerak zenbait kasuetan, gaur egungo ongizatean eragiten dute, orainaren kontzientzia blokeatuz eta sufrimendua sortuz.

Gestalt terapiaren bidez, hainbat arazo trata daitezke, hala nola antsietatea, depresioa, autoestimu-arazoak, harreman-zailtasunak, jokabide-arazoak eta beste zailtasun asko, emozionalak zein fisikoak.

Hazkunde pertsonaleko terapia bat denez, edozein motatako pertsonentzat da egokia, adina edozein dela ere. Gure jokabide-, pentsamendu- eta emozio-ereduak hobeto ulertzen eta erabaki kontzienteagoak eta arduratsuagoak hartzen laguntzen duen psikoterapia-eredua da.